Akademiya Yekmalê ji bo piştgiriya hînbûna kurdî û pêşvebirina perwerdehiya pirzimanî bi awayekî çalak pirtûkan, materyalên perwerdehiyê û çavkaniyên zimanî dîzayn dike, hildiberîne û diweşîne. Di nav van weşanan de, pirtûkên hîndekariya kurdî yên li gorî astên cuda, wêneçîrokên duzimanî yên ji bo pêşvebirina hişyariya zimanê nivîskî di qada perwerdehiya pêşdibistanê de, û her wiha çavkaniyên wek pirtûkên rêzimanî û ferhenên pirzimanî ji bo mamoste û xwendekaran cih digirin. Bi van materyal û çavkaniyan em dixwazin alîkarî û piştgiriya xwendekaran, perwerdekaran û malbatan bikin da ku kar û xebatên wan yên ji bo hînbûn û hînkirina kurdî û perwerdehiya pirzimanî werin xurtkirin bi riya materyalên eleqedar û bi kalîte.
Di akademiyê de her weha rêzek taybetî ya materyalên perwerdehiya zarokatiyê ya bi navê NeuBihar heye. Bi projeya NeuBiharê re, akademî materyalên fêrbûna duzimanî yên bi kurdî û almanî, di nav de pirtûkên wêne, materyalên dengî û dîtbarî, pelên xebatê û mini-ferhengan ji bo bikaranîna pratîkî li kreş, dibistan û li malê jî dihewîne. Materyal hem li ser înternetê hem jî bi awayê çapkirî têne peyda kirin.
