Akademiya Yekmal xwe wekî cihê hilberandin û veguheztina zanyariyê dibîne, taybetî bi nêrîneke ji hev hînbûnê, hînbûna ji serpêhatiyên navnifşî yên civakên derneteweyî (transnasyonel). Em ji bo perwerdehiyeke bi kalîte, pêşvebirina pîşeyî û nûjenî di perwerdehiyê de dixebitin, û giraniyê didin qadên mîna hînbûna ziman, perwerdehiya pirzimanî, û perwerdehiya pêşdibistanî. Wekî din, armanca Akademiyê ew e ku beşdarî û veguherîna civakî zêde bike, bi riya pêşkêşkirina derfetên perwerdehiya polîtîk ên cur bi cur. Akademî, bi vî awayî, pisporiya zanyarî, amrazên pratîkî û rêbazên nûjen û înteraktîf pêşkêş dike ji bo serketina ji zehmetî û astengiyên civaka îroyîn. Lewma, wergirtina nêrîn û serboriyên civaka koçberiyê wek bingeha xebatê gelek girîng e ji bo Akademiyê.